लहरा जीन्दगी



लहरा जीन्दगी

ठडिएको रुख –
सशक्त र अविचल रुपमा माथि लम्किरहेछ
उत्साह र उमङ्ख रोकिँदैन
आकाश छुने लक्ष्यका साथ अघि बढिरहन्छ ….

लक्ष्यमा हिँड्नेका लागि अनेक बाधा हुन्छन् –
प्रकृतिलाई पनि सह्य भएनछ
नजीकैबाट उमारिदियो लहराको बोट
अनि साहसपूर्वक ठडिएको रुखको यात्रा बल्झियो …

लहरै लहराको बीचमा अडिएको एक रुख
जति माथि जान खोज्यो त्यति नै जकडिरह्यो
चारैतिरबाट आएका लहराले
एउटा सिङ्खो रुखको लक्ष्यलाई अल्मलाइदियो ….

एक मानव पनि बृक्षकै भाँति त हो नि
वरिपरिबाट लहराहरु आइरहन्छन् विभिन्न स्वरुपमा –
जन्मदेखि मृत्युसम्म अनेकौँ संस्कार
न्वारनदेखि उपनयन, विवाह हुँदै अनेकौँ कागजका लहर
परिवारदेखि समाज र राज्यसम्म अनेकौँ बन्धनका कहर …

अल्मलाउनु, अल्झाउनु अनि अगाडि बढ्न नदिनु
लहराको प्रकृति हो
लहरालाई बेवास्ता गर्दै अगाडि बढ्नु
रुखको प्रकृति हो
मानव जीवन पनि एउटा रुख नै त हो
लहरैलहराबीचबाट क्षितिजतर्फ लम्किने ….

म विस्मातपूर्वक हेरिरहन्छु लहरातर्फ –
ऊ जेलिएको छ आफैँमा
अनि चारैतिरबाट अँगालो हाल्दै जेलिदिएको छ रुखलाई
ऊ कहिल्यै मुस्काएको छैन
तर ऊ मुस्कुराउँदै माथि लम्किरहेको रुखलाई
रोक्न सक्षम छ
म मायालु भावले हेरिरहन्छु रुखतर्फ –
विचरा ऊ केही बोल्दैन
केवल पातबाट बर्साउँदछ – अविरल आँशुका धारा …..

डा. प्रदीप ढकाल ।
यो खबर पढेर तपाईलाई कस्तो महसुस भयो ?

प्रतिक्रिया दिनुहोस
मदन पुरस्कारका लागि ८ पुस्तक छनोट

काठमाडौं । मदन पुरस्कार २०७८ का लागि ८ वटा पुस्तक छानिएका छन्। मदन

लघुकथा : मौन संकेत

प्रभादेवी पौडेल।  भरतलले एक दिन के झोक चलेछ कुन्नि अफिसबाट आउने बित्तिकै पत्नि

लघुकथा : विजय जुलुस

प्रभादेवी पौडेल।  कुनै एक पार्टीको कृयाशिल सदस्य बने देखि अर्जुन उक्त पार्टीको निक्कै

‘एक असाधारण अन्तर्वार्ता’ मा अद्भुत कथा

काठमाडौं । चिनियाँ लेखक लाओ माद्वारा लिखित ‘एक असाधारण अन्तर्वार्ता’ कथासङ्ग्रह प्रकाशनमा आएको