‘कालापानी अरुको हुँदैछ मेरो देशमा’
गजल
कतै लिपुलेक रुदैछ मेरो देशमा
कालापानी अरुको हुदैछ मेरो देशमा
किन मौन छन देशभक्तहरु हिजोआज
देशप्रेमीको आँसु तपतप चुहुँदैछ मेरो देशमा
जस्ले जे गरेनी सहनु पर्ने हामीले किन?
जनताको सपना तुहुँदैछ मेरो देशमा
अब त हामी नै उठ्नु पर्छ जनताजनार्दन
हाम्रा नेताको सपना कुहुँदैछ मेरो देशमा
जहिले पनि अरुकै इसारामा नाच्नु पर्दा
हरेक नेपालीको शिर नुहुदैछ मेरो देशमा
एन .पी. खतिवडा
