नारी वेदना
नारी वेदना
स्थीर शान्त मेरो मनोतलाउमा,
अनायास तिम्रो डुबुल्की;
जलक्रिडामा मग्न तिमी,
निशब्द म ।
तरंगहरु तरंगित,
अन्तराग्नी मेरो जलाशय भित्र;
अनौठो अनुभूति, अबोध्य अनुभव,
अगम्य अनुराग, अकल्पित आकांक्षाहरु ।
आलिंगन अनवरत रुपमा,
अवर्णनीय अवयवको अन्तरंग;
चुम्बकीय चुम्बन,
प्रशंसनीय प्रेमालाप;
प्रफुल्ल तन, प्रफुल्ल मन ।
अचानक मेरा वक्ष स्थलमा पीडा,
मेरा लज्जास्थलमा भूकम्प;
वेदना, छटपटी, असह्य,
विषादीयुक्त मेरो तलाउ ।
कृतघ्न तिमी, अभिष्ट इच्छापूर्ती,
कतै दूर पलायन,
अस्पष्ट मेरा नयनहरु,
अकमक्क रक्त अश्रुपूर्ण ।
विश्व कार्की
कार्की नेपाली, हिन्दी, उर्दु, अङ्ग्रेजी लगाएतका विभिन्न भाषाका कवितामा कलम चलाउँछन् ।
