ठगीको आरोपमा थाइल्याण्डमा दुईजना रेष्टुराँ सञ्चालकलाई १,१४६ वर्ष जेलसजाय!



थाईल्यान्डको एउटा अदालतले मानिसहरूलाई ठगेको आरोपमा दुईजना रेष्टुराँ सञ्चालकलाई जनही १,१४६ वर्ष जेलसजाय सुनाएको छ । गत वर्ष लाएमगेट सीफूड रेष्टुराँले अनलाइनमार्फत पहिल्यै भुक्तानी गर्नुपर्ने व्यवस्था शुरू गर्यो । थाईल्यान्डको पीबीसी च्यानलका अनुसार बीस हजार जति मानिसले पाँच करोड थाई भाट बराबरको भौचर खरिद गरे ।

तर पछि कम्पनीले माग पूरा गर्न नसक्ने भन्दै रेष्टुराँ बन्द गर्यो । सयौँ मानिसले उजुरी गरेको आधारमा अपीचार्ट बोवोर्नबन्चरक र प्रापासोर्न बोवोर्नबन्चरक पक्राउ परे । थाईल्यान्डमा उजुरीको सङ्ख्याका आधारमा ठगी गरेको प्रमाणित भएकाहरूलाई लामो जेलसजाय दिइनु असामान्य चाहिँ होइन ।

यद्यपि थाई कानुनले मानिसहरूलाई ठगी गरेको अभियोगमा २० वर्ष जेलसजाय तोकेको छ । गत वर्ष लाएमगेट सीफूड रेष्टुराँले ग्राहकले पहिल्यै भुक्तानी गर्नुपर्ने गरी विभिन्न खाले फूड भौचर विक्री गर्न शुरू गरेको थियो । एउटा स्किम अनुसार ८८० भाटमा १० जनाका लागि सीफूड पाइने भनियो जुन सामान्य मूल्यभन्दा धेरै नै सस्तो थियो ।

शुरूमा भौचर किन्नेहरूले रेष्टुराँमा खानेकुरा पाउन सके तर थाइ पीबीएसका अनुसार लामो वेटिङ्ग लिस्ट हुँदा कैयौँ महिनासम्म बुकिङ्ग चल्यो । तर मार्चसम्म पुग्दा लाएमगेट इन्फिनिट नामक कम्पनीले माग अनुसार सीफूड दिन नसक्ने भन्दै रेष्टुराँ बन्द गर्ने घोषणा गर्यो ।

थाई पीबीएसका अनुसार कम्पनीले भौचर खरिद गरेका ग्राहकहरूलाई पैसा फिर्ता गर्ने प्रस्ताव गर्यो ( ८१८ मध्ये उजुरी गरेका ३७५ जनाले रकम फिर्ता पाए ।

त्यसपछि ठगीको आरोपमा बाँकी सयौँले कम्पनी र त्यसका सहसञ्चालकहरूविरुद्ध उजुरी दिए । गलत सन्देशमार्फत मानिसहरूलाई ठगेको आरोपमा अपीचार्ट बोवोर्नबन्चरक र प्रापासोर्न बोवोर्नबन्चरक पक्राउ परे । ७२३ जनालाई ठगेको अभियोगमा बुधवार उनीहरू दोषी ठहर भए र अदालतबाट जनही १,१४६ वर्ष जेलसजाय पाए । गल्ती स्वीकार गरेपछि उनीहरूको सजाय आधाले घटाएर ७२३ वर्ष पारियो। तर उनीहरूले बढीमा २० वर्ष जेलसजाय काट्नुपर्ने हुन्छ ।

उनीहरूको कम्पनीलाई १८ लाख भाट जरिवाना तिर्न अदालतले आदेश दिएको छ र सहसञ्चालक तथा कम्पनीलाई क्षतिपूर्ति स्वरूप पीडितहरूलाई २५ लाख भाट तिर्न पनि आदेश गरिएको छ । सन् २०१७ मा एउटा थाई अदालतले ठगी गरेको अभियोगमा एक जनालाई १३ हजार वर्ष जेलसजाय सुनाएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बुर्किना फासो, माली र नाइजरलाई एक अर्ब ७० करोड डलर मानवीय सहयोग

चरम मानवीय संकट व्यहोरिरहेका अफ्रिकाका साहेल क्षेत्रका तीन राष्ट्रका लागि २० भन्दा बढी

कराँचीमा बम बिस्फोट हुँदा कम्तिमा तीन जनाको मृत्यु, १५ घाइते

पाकिस्तानको कराँचीस्थित मस्कान चौरंगी नजिक बुधबार भएको बम बिस्फोटनमा कम्तीमा तीन जनाको मृत्यु

भारतमा ह्वात्तै घट्यो कोरोना संक्रमितको संख्या

भारतमा कोरोनाभाइरसबाट दैनिक सङ्क्रमितहरुको सङ्ख्या घट्दै गइरहेको छ । कोरोनाभाइरसको महामारी शुरु भएदेखि

अमेरिकी अन्तरिक्षयान छुद्रग्रह बेनुसँगको सम्पर्कमा

अमेरिकाको एक मानवरहित अन्तरिक्षयानले एउटा निकै महत्वकांक्षी मिशनअन्तर्गत ३० करोड किलोमिटर भन्दा पर