साइबेरियाको १८ हजार वर्ष पुरानो ‘कुकुर’ले वैज्ञानिकहरू रनभुल्ल



अध्ययनकर्ताहरू साइबेरियामा भेटिएको १८ हजार वर्ष पुरानो छाउरो कुकुर या ब्वाँसो के हो भन्ने प्रश्नले रनभुल्लमा परेका छन्।

रूसको सबैभन्दा चिसो स्थानमा मृत्यु हुँदा दुई महिनाको रहेको छाउरोको शरीर रौं, नाक र दाँत जस्ताको तस्तै रहेको छ। सो छाउरोको डीएनए परीक्षणबाट समेत यसको प्रजाति छुट्टिन नसकेको बताइएको छ।

वैज्ञानिकहरूले हिउँका कारण नकुहिएको जीव ब्वाँसो र कुकुरबीचको सम्बन्धको प्रतिबिम्ब हुनसक्ने बताएका छन्।

रेडिओकार्बन प्रविधिबाट छाउरोको मृत्यु हुँदाको उमेर र कति समय यो हिउँमा रह्यो भन्ने कुरा पत्ता लागेको हो। छाउरो भाले भएको पनि पत्ता लागेको छ।

स्वीडेनका अध्ययनकर्ता डेभ स्टान्टनले सीएनएनलाई डीएनए परीक्षणमा देखिएको अन्यौलले यो छाउरो कुकुर र ब्वाँसो दुवै प्रजातिको साझा पुर्खा प्रजातिको हुनसक्ने बताएका छन्।

अर्का अध्ययनकर्ता लभ डालेनले त्यो ब्वाँसोको छाउरो हो या हालसम्म भेटिएको सबैभन्दा बूढो कुकुर भन्ने प्रश्न गर्दै ट्वीट गरेका छन्। वैज्ञानिकहरूको डीएनएको परीक्षण जारी राख्ने बताएका छन्।

त्यो मृत छाउरोलाई डगर नाम दिइएको छ जसको स्थानीय भाषामा साथी अर्थ हुन्छ। कुकुरहरू ब्वाँसोको पुस्ता भएको मानिएपनि कहिलेदेखि यसलाई घरपालुवा बनाइयो भन्ने विवाद छ।

सन् २०१७ मा प्रकाशित एक अध्ययनले २० देखि ४० हजार वर्ष पहिले ब्वाँसोलाई घरपालुवा बनाउन थालिएको दाबी गरेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बन्दुकधारीद्वारा अफगानिस्तानमा तीन पत्रकारको हत्या

पूर्वी अफगानिस्तानको जलालाबादमा मङ्गलबार बन्दुकधारीले तीन महिला सञ्चारकर्मीको गोली हानी हत्या गरेका छन्

जर्मनीमा कोभिड नियन्त्रणका लागि लगाइएका केही प्रतिबन्धलाई खुकुलो पारिँदै

जर्मनीका चान्सलर एन्जेला मर्केलले कोभिडले निकै प्रभावित पारेको आफ्नो मुलुकले राष्ट्रमा बिस्तारै भाइरस

आठ वर्षीय बालक ’फोर्टनाइट’का सबैभन्दा कान्छा व्यावसायिक खेलाडी

अमेरिकाका आठ वर्षीय बालक जोसेफ डिन ’फोर्टनाइट’ नामक लोकप्रिय ’कम्प्युटर गेम’मा सबैभन्दा कम

नाइजेरियाका अपहरित तीन सय बालिका मुक्त

नाइजेरियामा गतसाता एक विद्यालयबाट अपहरण गरिएका झन्डै ३०० बालिका मुक्त भएका छन् ।