अनलाइनबाटै कक्षा सञ्चालन गर्न चाहने विश्वबिद्यालय, कलेज र विद्यालयलाई राष्ट्रिय आविष्कार केन्द्रले सहयोग गर्ने

कोरोनाले गर्दा पढ्ने र पढाउने काम ठप्प भएको छ । यसको एउटा सामाधान भनेको इन्टरनेट भएको ठाउँमा अनलाइन पढाउने व्यवस्था गर्नु हो । अबरुद्ध बिश्वबिद्यालयहरु, कलेजहरु र बिद्यालयहरुको कक्षाहरु अनलाइन बाटै सञ्चालन गर्न चाहने शिक्षण संस्थाहरुलाई राष्ट्रिय आविष्कार केन्द्रले सहयोग गर्नेछ । ईच्छुक बिश्वबिद्यालय र बिद्यालयहरुले सम्पर्क राख्नु होला ।

1. सो अनलाईन कक्षा संचालन गर्नको लागी चाहिने सम्पूर्ण व्यवस्था राष्ट्रिय आविष्कार केन्द्रले नेपाल रिसर्च तथा एजुकेशन नेटवर्क (https://www.nren.net.np/) भन्ने संस्था संग मिलेर गर्ने छ। बिगत १० बर्ष देखि म उक्त संस्थाको संस्थापक सदस्य हुँ। सो अनलाइन पढाउने सिस्टम बनाउने काम ५ बर्ष अगाढी देखि सुरु गरिएको थियो । मैले अहिलेसम्म गरेको टेलि-टिचिंगको कामहरु यहि सिस्टम मार्फत गरेको हो । अनलाईन कक्षा संचालन गर्नको लागी आबश्यक पर्ने सम्पूर्ण टेक्निकल उपकरणहरु थप गर्ने र सक्षम सपोर्ट टीमको थप ब्यबस्था गर्ने काममा राष्ट्रिय आविष्कार केन्द्र (https://nicnepal.org/) ले नेपाल रिसर्च तथा एजुकेशन नेटवर्क लाई पूर्ण सहयोग गर्ने छ। किनभने सो एजुकेशन नेटवर्क भने संस्था एउटा सानो संस्था हो र आर्थिक रुपमा कमजोर छ । हाललाई यो कार्यक्रम तत्कालै सुरु गर्नु पर्ने भएकोले आवश्यक पर्ने Zoom भन्ने कम्पनीले बनाएको वेब कन्फ्रेंसिंग सफ्टवेरको लाईसेंसको पनि ब्यबस्था गर्ने छ र शैक्षिक संस्थाहरुलाई उपलब्ध गराउनेछ ।