सामाजिक सञ्जाल कुलत प्रयोगकर्तासम्बन्धी तथ्याङ्क कम्पनीले दिनुपर्ने चिकित्सकहरुको माग



ब्रिटेनका अग्रणी मनोचिकित्सकहरूले भनेका छन्- इन्टरनेटको सामाजिक सञ्जालका कम्पनीहरूले अनुसन्धानकर्ताहरूलाई तिनीहरूको तथ्याङ्क उपलब्ध नगराउने हो भने बालबालिकाको मानसिक स्वास्थ्यमा सोसल मिडिया भनिने सामाजिक सञ्जालले पुर्याउने फाइदा र जोखिमका बारेमा कहिल्यै बुझ्न सकिने छैन।

प्रविधि कम्पनीहरूलाई तिनीहरूसँग रहेका प्रयोगकर्तासम्बन्धी तथ्याङ्क अनुसन्धानकर्तालाई उपलब्ध गराउन र महत्त्वपूर्ण अनुसन्धानहरूका लागि खर्च जुटाउनका लागि कर तिर्नुपर्ने बनाउन जरूरी भइसकेको ती मनोचिकित्सकहरूले भनेका छन्।

इन्टरनेटको अनियन्त्रित प्रयोगले प्रयोगकर्ताको मानसिक स्वास्थ्यमा क्षति पुर्‍याउने गरेको प्रमाण बढ्दो रूपमा देखिँदै आएको छ।

तर त्यसबारेमा पर्याप्त अनुसन्धान हुन नसकेको ती मनोचिकित्सकहरूले तयार पारेको एक प्रतिवेदनमा उल्लेख छ। यूके सरकारले अनलाइन सुरक्षालाई नियमन गर्ने एकजना स्वतन्त्र नियमनकर्ता नियुक्त गर्ने योजना भने बनाएको छ।

ब्रिटेनमा मनोचिकित्सकहरूको एक प्रतिष्ठित संस्था- रोएल कलेज अफ साइकियाट्रिस्ट्सले उक्त प्रतिवेदन तयार पारेको हो। उक्त प्रतिवेदनले त्यस्ता नियमनकर्ताले मानिसहरूले कति समय अनलाइनमा बिताउँछन् भन्ने मात्रै होइन कि बालबालिका वा नवयुवाहरूले कसरी इन्स्टाग्राम, फेसबुक र ट्वीटरजस्ता सेवाको प्रयोग गरिरहेका छन् भन्ने जानकारी दिन्छ।

जसकै कारण ती विवरण सामाजिक सञ्जाल कम्पनीहरूबाट प्राप्त गर्न आवश्यक रहेको उसको भनाइ छ। त्यसरी प्राप्त हुनुपर्ने तथ्याङ्क बेनामे वा प्रयोगकर्ताको परिचय नखुल्ने प्रकारको हुनुपर्नेमा पनि उक्त प्रतिवेदनले जोड दिएको छ।

आफ्नी १४ वर्षीया छोरीले आत्महत्या गर्नुपछाडि आंशिक रूपमा इन्स्टाग्रामको प्रयोग पनि कारक हो भन्ने विश्वास गर्ने इयन रसेलले पनि उक्त प्रतिवेदनले गरेको मागलाई समर्थन गरेका छन्।

उनले बीबीसी रेडियो फोरको टुडे कार्यक्रममा बोल्दै उनकी छोरीले आत्महत्या गर्नुअघि सामाजिक सञ्जालमा जस्तो प्रकारका तस्बिरहरू हेर्ने गर्थिन् जसले डिप्रेसनबाट पीडितहरूले “अन्ततोगत्वा आत्महत्या नै गर्ने” भन्ने सन्देशहरू दिने गर्दथे।

इयन रसेल भन्छन्- सोसल मिडिया कम्पनीहरूबाट प्राप्त गरिने तथ्याङ्कको प्रयोग गरेर हुने अनुसन्धान बिना “सामाजिक सञ्जालका विषयबस्तुले कसरी हाम्रा बालबालिका र नवयुवाहरूलाई आत्मघात र अझ दु:खद रूमा आफ्नै ज्यान लिने जस्ता कदम चाल्न प्रेरित गर्दा रहेछन्” भन्ने बुझ्न सकिने छैन।

मनोचिकित्सकहरू भन्छन्, “बालबालिकाले इन्टरनेट प्रविधिको प्रयोग गर्दा त्यसका धेरै फाइदाहरू छन्। जस्तै अनलाइन सहयोग प्राप्त गर्न सक्छन्, साथीहरूसँग तत्काल कुराकानी गर्न सक्छन्, विभिन्न सूचना तथा जानकारीहरू प्राप्त गर्न सक्छन्।”

“तर स्क्रिनमा हेरेर धेरै समय बिताउँदा तिनीहरूको स्वास्थ्यमा नकारात्मक प्रभाव पर्न सक्छ।”

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
चेक संसदद्वारा हुलाक मतदानलाई अनुमोदन

चेक संसदले तल्लो सदनमा कडा विरोधका बाबजुद पहिलो पटक हुलाक मतदान गर्न अनुमति

श्रीलङ्काले इको टुरिजमलाई प्रवर्द्धन गर्ने

श्रीलङ्काका राष्ट्रपति रनिल विक्रमासिङ्घेले सिमसारको संरक्षणमार्फत इको–टुरिजमलाई अगाडि बढाउन श्रीलङ्काको प्रतिबद्धतालाई जोड दिएका

पाकिस्तानद्वारा अर्थतन्त्र, नवप्रवर्तनलाई बढावा दिन आर्थिक रूपान्तरण एकाइ स्थापना

पाकिस्तानको योजना, विकास र विशेष पहल मन्त्रालयले अर्थतन्त्र, उत्पादकत्व र नवप्रवर्तनलाई प्रवर्द्धन गर्ने

भारतमा विषाक्त मदिरा सेवनबाट मृत्यु हुनेको सङ्ख्या ४९ पुग्यो

भारतको दक्षिणी राज्य तमिलनाडुमा विषादी मदिरा सेवनका कारण मृत्यु हुनेको सङ्ख्या ४९ पुगेको