प्रतिनिधिसभा निर्वाचनः ३४ सय ८४ उम्मेदवारको मनोनयन दर्ता

काठमाडौँ । आगामी फागुन २१ गते हुने प्रतिनिधिसभा सदस्य निर्वाचनका लागि देशभर ३ हजार ४८४ जनाले उम्मेदवारी दर्ता गराएका छन् ।

पहिलो हुने निर्वाचित हुने प्रणालीअन्तर्गत मंगलबार भएको मनोनयन दर्ताका क्रममा ३ हजार ४८४ जनाको मनोनयन दर्ता भएको आयोगका प्रवक्ता नारायण प्रसाद भट्टराईले जानकारी दिएका छन् । कुल उम्मेदवारमध्ये ३९५ महिला, ३ हजार ८८ पुरुष र १ जना अन्य समूहका छन् ।

राजनीतिक दलको तर्फबाट २ हजार २९७ जनाले मनोनयन दर्ता गराएका छन्, जसमा २३५ महिला, २ हजार ६४ पुरुष र १ जना अन्य समूहका उम्मेदवार छन् । स्वतन्त्र उम्मेदवारको संख्या १ हजार १८७ पुगेको छ, जसमा १६० महिला र १ हजार २४ पुरुष छन् ।

उमेरगत विवरणअनुसार २५ देखि ३५ वर्ष समूहमा ५८३ जना उम्मेदवार छन् । यस समूहमा ६७ महिला, ५१५ पुरुष र १ जना अन्य समूहका छन् । ३६ देखि ५० वर्ष उमेर समूहमा सबैभन्दा धेरै १ हजार ६१० जनाको उम्मेदवारी परेको छ, जसमा २३५ महिला र १ हजार ३७५ पुरुष छन् ।