सञ्चारमन्त्री खरेलसँग राप्रपा अध्यक्ष लिङ्देनले भने- निर्वाचनप्रति प्रतिवद्ध छौँ

ललितपुर । सञ्चार तथा सूचना प्रविधि मन्त्री जगदीश खरेल र राप्रपा अध्यक्ष राजेन्द्र लिङ्देनबीच भेटवार्ता भएको छ ।

लुभुलामाटारसिथित लिङ्देन निवासमा बुधबार बिहान भएको भेटमा निर्वाचनको वातावरण बनाउनका लागि छलफल भएको सञ्चारमन्त्री खरेलले जानकारी दिए ।

उनका अनुसार निर्वाचनका लागि राप्रपा प्रतिबद्ध छ । निर्वाचनको वातावरणका लागि सरकारको प्रवक्ताको हैसियतले मन्त्री खरेलले यसअघि प्रमुख राजनीतिक दलका नेताहरुसंग निवासमै पुगेर भेटवार्ता गरेका थिए ।