प्रतिनिधिसभामा रास्वपा र राप्रपाको विरोध कायमै

काठमाडौं । राष्ट्रिय स्वतन्त्र पार्टी र राष्ट्रिय प्रजातन्त्र पार्टीले बुधबार पनि प्रतिनिधिसभा बैठक बहिष्कार गरेका छन् । भिजिट भिसा प्रकरणमा गृहमन्त्री रमेश लेखकको राजीनामा माग गर्दै रास्वपा र राप्रपाले संसद अवरोध गर्दै आएका छन् ।

भिजिट भिसा प्रकरणमा सरकारले पूर्वमुख्यसचिव शंकरदास बैरागी नेतृत्वको छानबिन समिति बनाएको छ । तर उनीहरुले त्यसलाई स्वीकार गरेका छैनन् ।