संसदमा सम्बोधन गर्ने प्रधानमन्त्रीको पूर्वनिर्धारित कार्यक्रम स्थगित
काठमाडौँ । प्रधानमन्त्री केपी शर्मा ओलीले आज संसदलाई सम्बोधन नगर्ने भएका छन् । बैठकमा सत्तारुढ नेपाली कांग्रेसका सभापति शेरबहादुर देउवा र विपक्षी दलका नेता पुष्पकमल दाहाल प्रचण्ड अनुपस्थित हुने भएपछि प्रधानमन्त्रीको सम्बोधन स्थगित भएको एमाले प्रमुख सचेतक महेश बर्तौलाले जानकारी दिए ।
माओवादी अध्यक्ष प्रचण्ड गोरखाको बारपाकमा छन् भने कांग्रेस सभापति देउवा थाइल्याण्ड भ्रमणबाट आज स्वदेश फर्किँदैछन् । संसद्को बजेट अधिवेशन आज १ बजे सुरु हुँदैछ । बजेट अधिवेशनको पहिलो दिन नै प्रधानमन्त्रीले सम्बोधन गर्ने तयारी गरेका थिए ।
