आधारभूत कुरा पूरा गर्न नसके सरकारबाट बाहिरिन्छौंः महामन्त्री थापा
काठमाडौँ । नेपाली कांग्रेसका महामन्त्री गगन थापाले जनताको कुरा गर्दा वेवास्ता गरे कांग्रेस सरकारबाट बाहिरिने बताएका छन् ।
लोकतन्त्र दिवसको अवसरमा बिहीबार काठमाडौंमा आयोजित कार्यक्रममा महामन्त्री थापाले सरकारले आधारभूत कुरा पूरा गर्न नसके सरकारबाट बाहिरिने बताएका हुन् ।
महामन्त्री थापाले भने, ‘यो वा त्यो सरकारबाट मात्रै होइन हाम्रा कुराहरू सम्बोधन नहुने, जनताको कुरा उठाउँदा वास्ता नगर्ने हो भने जुनसुकै सरकारबाट बाहिरिन्छौँ।’
उनले पुराना नेताका काण देशमा बेचैनी बढिरहेकोसमेत बताए । उनले भने, ‘असन्तुष्टि र बेचैनी के कारणले बढिरहेको छ भने– जसको कारणले बेचैनी भएको छ उसैलाई ड्राइभिङ सिटमा देखिरहेका छन् । अब यो गाडी तिम्ले चलाएर हुँदैन भनिरहेका छौँ। यसका लागि काम गरिरहेका छौँ।’
उनले पार्टीमा गुटभन्दा पनि गिरोह बनेको भन्दै आपत्ति जनाए । उनले भने, ‘पार्टीमा गुट होइन गिरोह बनेको छ। तल्लो तहसम्म बनेको छ। गुट भए आफू हुने, नभए नहुने भइसक्यो।’
