राष्ट्रपतिसमक्ष नवनियुक्त शिक्षामन्त्री पन्तले लिए शपथ
काठमाडौं । नवनियुक्त शिक्षा, विज्ञान तथा प्रविधि मन्त्री रघुजी पन्तले शपथ लिएका छन् । बिहीबार राष्ट्रपति निवास शीतलनिवासमा आयोजित समारोहमा मन्त्री पन्तले राष्ट्रपति रामचन्द्र पौडेलसमक्ष शपथ लिएका हुन् ।
प्रधानमन्त्री केपी शर्मा ओलीको सिफारिसमा राष्ट्रपतिले बुधबार पन्तलाई शिक्षा मन्त्री नियुक्त गरेका थिए । विद्या भट्टराईले शिक्षा मन्त्रीबाट राजीनामा दिएपछि उक्त पद रिक्त थियो ।
