शुक्रबार प्रधानमन्त्री ओलीले संसदमा सम्बोधन गर्ने
काठमाडौँ । प्रधानमन्त्री केपी शर्मा ओलीले शुक्रबार संसदमा सम्बोधन गर्ने भएका छन् । शुक्रबारदेखि सुरु हुने बजेट अधिवेशनको पहिलो दिन नै प्रधानमन्त्रीले संसद्मा सम्बोधन गर्न लागेका हुन् ।
नेकपा एमालेका प्रमुख सचेतक महेश बर्तौलाले शुक्रबारको संसद बैठकमा प्रधानमन्त्री ओलीले सम्बोधन गर्ने तय भएको जानकारी दिए । प्रधानमन्त्रीले समसामयिक विषयमा सम्बोधन गर्ने उनले बताए ।