लोकतन्त्रमा कुनै पनि प्रकारको अतिवाद हुन सक्दैनः महामन्त्री थापा
काठमाडौं । नेपाली कांग्रेसका महामन्त्री गगन थापाले लोकतन्त्रमा कुनै पनि प्रकारको अतिवाद हुन नसक्ने बताएका छन् । लोकतन्त्र दिवसमा शुभकामना दिँदै महामन्त्री थापाले लोकतन्त्र शब्दमा नभई आचरणमा हुनुपर्ने बताएका हुन् ।
उनले भनेका छन्, ‘लोकतन्त्र व्यवस्था अनुरूप अवस्था बदलिन नसक्दा आम असन्तुष्टि स्वाभाविक भए पनि यसको विकल्प कुनै पनि प्रकारको अतिवाद हुन सक्दैन । लोकतन्त्र शब्दमा होइन, हाम्रो आचरण, सोच र कार्यशैलीमा देखिनु पर्छ । समावेशी, उत्तरदायी र समुन्नत लोकतन्त्र निर्माणका लागि आजको दिनले हामी सबैलाई थप प्रतिबद्ध र प्रेरित बनाओस्। लोकतन्त्र दिवसको सबैमा हार्दिक शुभकामना !’
