मन्त्रीको राजीनामाबारे थाहा नपाउने सरकारका प्रवक्ता !
काठमाडौं । यी मन्त्री पनि रमिता नै रहेछन् ! कुलमानलाई हटाएर बाहिर निस्केपछि पत्रकारलाई उल्टै प्रश्न सोध्दै थिए, को कुलमान भनेर ? अन्य देशमा सरकारकै प्रवक्ताले सोधेको प्रश्नमा समेत जानाजान झुटो बोल्नु भनेको गम्भीर अपराध मानिन्छ ।
प्रवक्ता भनेको सरकारको ऐना पनि हो । सरकार पनि रमाइलो नै होला । पत्रिकाले, स्वयं मन्त्रीले अनि प्रधानमन्त्रीले समेत राजीनामा दिएको भन्छन् तर सरकारलाई थाहा छैन । कस्तो रमाइलो सरकार हो यो । कुनचाहिँ सरकार हो कुन्नि ।
अनि यिनैलाई र अन्य एमाले नेतालाई पत्याउने हो भने एक महिनादेखि शिक्षामन्त्री बिरामी भएर कार्यसम्पादन गर्न नसक्ने अवस्था रहेछ । देशभरका शिक्षक आन्दोलनमा रहेको त्यत्रो दिन सरकार रमिता हेरेर बसेको रहेछ ।
कस्तो विरक्तलाग्दो रमिता । अनि उल्टै ओलीजी काठमाडौँमा शौचालय नभएकाले शिक्षकलाई रमिता नदेखाउन र घर फर्किन आग्रह गर्दै हुनुहुन्थ्यो । भोलि एक लाख युवाले अरूका लागि निषेधित क्षेत्र मानिने भृकुटी मण्डप क्षेत्रको कुन शौचालय प्रयोग गर्लान् ?
