प्रधानमन्त्री ओलीद्वारा मोदीलाई टेलिफोन गरी कश्मीर घटनामा भारतप्रति ऐक्यवद्धता प्रकट
काठमाडौं । प्रधानमन्त्री केपी शर्मा ओलीले भारतीय समकक्षी नरेन्द्र मोदीसँग टेलिफोन संवाद गरेका छन् । जम्मू–कश्मीरमा आतंकवादी हमला भएको घटनाको विषयमा ओलीले भारतीय समकक्षी मोदीसँग बुधबार दिउँसो कुराकानी गरेको प्रधानमन्त्रीको सचिवालयले जनाएको छ ।
ओलीले मोदीसँग कश्मीरमा आतंकवादीले क्रुर घटना गराएको भन्दै यसविरुद्ध भारतप्रति नेपालको दृढ ऐक्यवद्धता भएको उल्लेख गरेका छन् । कश्मीरको पहलगाममा भएको आतंकवादी आक्रमणमा ज्यान गुमाउनेहरूप्रति ओलीले गहिरो समवेदना व्यक्त गरेका छन् ।
जवाफमा मोदीले आभार प्रकट गरेका छन् । मंगलबार भएको आक्रमणमा एक नेपालीसहित २८ जना मारिएका थिए ।
