शिक्षामन्त्री भट्टराईले दिइन् पदबाट राजीनामा
काठमाडौं । शिक्षा, विज्ञान तथा प्रविधिमन्त्री विद्या भट्टराईले पदबाट राजीनामा दिएकी छन् । मन्त्री भट्टराईले सोमबार प्रधानमन्त्री केपी शर्मा ओलीलाई भेटेर राजीनामा बुझाएको उनका प्रेस संयोजक रामजी लम्सालले जानकारी दिए ।
उनले भने, ‘शिक्षामन्त्रीले प्रधानमन्त्रीसमक्ष आज राजीनामा दिनुभएको हो । के कारणले राजीनामा दिनुभएको हो भन्ने जानकारी छैन ।’
विद्यालय शिक्षा ऐन जारी गर्न माग गर्दै शिक्षकहरूले चैत २० देखि काठमाडौं केन्द्रित आन्दोलन गरिरहेका छन् । शिक्षकका माग पूरा गर्ने विषयमा प्रधानमन्त्रीसँग कुरा नमिलेपछि उनले राजीनामा दिएको बताइएको छ ।
उनले विद्यालय शिक्षा ऐन जारी गर्न नसके राजीनामा दिने यसअघि बताएकी थिइन् । तर आन्दोलनरत शिक्षक र सरकारबीच वार्ता भएपनि सहमति हुन सकेको छैन ।
