कांग्रेसको केन्द्रीय कार्यसमितिको बैठक बुधबार बस्ने, यस्ता छन् एजेण्डा
काठमाडौं । नेपाली कांग्रेसले केन्द्रीय कार्यसमितिको बैठक बोलाएको छ । कांग्रेसले बुधबार दिउँसो १ बजे पार्टी कार्यालयमा बस्नेगरी बैकठ बोलाएको हो ।
बैठकमा केन्द्रीय कार्यसमितिका पदाधिकारी, सदस्य एवं आमन्त्रित सदस्यहरूलाई उपस्थितिका लागि मुख्य सचिव कृष्णप्रसाद पौडेलले आग्रह गरेका छन् । पछिल्लो समय सरकारका कामकारबाहीलाई लिएर कांग्रेस नेताहरु असन्तुष्ट छन् ।
कांग्रेस नेताहरुको असन्तुष्टिपछि मंगलबार प्रधानमन्त्री केपी शर्मा ओली र कांग्रेस सभापति शेरबहादुर देउवाबीच भेटवार्ता भएको छ । दुई नेताको भेटपछि बुधबार साँझ संरकार संचालनका लागि गठित राजनीतिक संयन्त्रको बैठक बोलाइएको छ ।
