सांसद दीपक बोहराको निधन
काठमाडौं । राष्ट्रिय प्रजातन्त्र पार्टीका सांसद दीपक बोहराको निधन भएको छ । बोहराको उपचारको क्रममा काठमाडौंको ओम अस्पतालमा ७४ वर्षको उमेरमा निधन भएको राप्रपाका केन्द्रीय सदस्य जनकराज पाठकले जानकारी दिए ।
उनी लामो समयदेखि अस्वस्थ थिए । बोहरा रुपन्देही क्षेत्र नम्बर १ बाट निर्वाचित सांसद हुन् । उनको पार्थिव शरीरलाई आज जहाजबाट गृहजिल्ला रुपन्देही लगिने र भोलि बिहान काठमाडौं फिर्ता ल्याई दिउसो राप्रपा पार्टी कार्यालयमा अन्तिम श्रद्धाञ्जलीका लागि राखिने र पार्टी कार्यालयबाट पशुपतिसम्म शवयात्रा गरिने पाठकले जानकारी दिए ।