कुलमान हटाएको विरोधमा अनेरास्ववियूको प्रदर्शन
काठमाडौं । नेकपा एकीकृत समाजवादी निकट विद्यार्थी संगठन अनेरास्ववियुले ऊर्जामन्त्री दीपक खड्काको पुत्ला जलाएको छ ।
सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई हटाएको विरोधमा अनेरास्ववियूले मन्त्री खड्काको पुत्ला जलाउँदै विरोध प्रदर्शन गरेको हो । उनीहरुले प्रदर्शनीमार्गस्थि विश्वभाषा क्याम्पसबाट मन्त्री खड्काको पुत्ला जलाउँदै प्रदर्शन गरेका थिए ।
सोमबार साँझ बसेको मन्त्रिपरिषद बैठकले प्राधिकरणको कार्यकारी निर्देशकबाट कुलमानलाई हटाएर हितेन्द्रदेव शाक्यलाई नियुक्त गरेको थियो । सरकारको निर्णयको सर्वत्र विरोध भइरहेको छ ।
