प्रकाशमानलाई बालेनको आग्रहः गणेशमान, पीएल र कांग्रेसको इतिहास माटोमा नमिसाउनु होला
काठमाडौं । काठमाडौं महानगरपालिकाका मेयर बालेन साहले उपप्रधान तथा सहरी विकासमन्त्री प्रकाशमान सिंहलाई नेपाली कांग्रेसको इतिहास माटोमा नमिसाउन आग्रह गरेका छन् ।
आइतबार सामाजिक संजालमार्फत मेयर साहले बालमन्दिर बचाउने र सार्वजनिक सम्पत्ति जोगाउने प्रयास गर्ने कुरा सधैं कुरामै रहेको बताएका हुन् ।
उनले भनेका छन्, ‘माननीय सहरी विकास मन्त्री प्रकाशमान सिंहज्यू, अव्यवस्थित बस्ती हटाउने, कपन खोलालाई व्यवस्थित गर्ने, बालमन्दिर बचाउने, सार्वजनिक सम्पत्ति जोगाउने प्रयास गर्ने कुरा सधैं कुरामै रह्यो। कहिले गर्ने हो ? मलाई हराउने नाममा आफ्नो शहर, क्षेत्र, र देश चाहिँ नहराउनु होला। यत्रो गणेशमान सिंह, पी.एल. सिंह, र नेपाली कांग्रेसको इतिहास माटोमा नमिसाउनु होला ।’
