सरकार र संसद दुवैलाई विद्यालय शिक्षा विधेयक उच्च प्राथमिकतामा राख्न सांसहरुको माग
काठमाडौँ । राष्ट्रियसभाका सांसद बलदेव बोहराले विद्यालय शिक्षा विधेयक चाँडोभन्दा चाँडो पारित गर्न माग गरेका छन् ।
आइतबारको राष्ट्रियसभा बैठकमा सांसद बोहराले चालु अधिवेशनबाटै विद्यालय शिक्षा विधेयक पारित गर्न सरकारको सरकारको ध्यानाकर्षण गराएका हुन् ।
उनले भने, ‘आठ वर्षदेखि प्रयास गरी संसदमा दर्ता गरिएको विद्यालय शिक्षा विधेयकमाथि सरकार र संसद दुवैले उच्च प्राथमिकतामा राखी दफावार छलफल गर्दै चालु अधिवेशनबाटै पारित गर्न सरकारको ध्यानाकर्षण गर्दछु ।’
विद्यालय शिक्षा विधेयक अहिले संसदको शिक्षा, स्वास्थ्य तथा सूचना प्रविधि समितिमा छ ।
