रघुजी पन्तको अभिव्यक्ति संसदको रेकर्डबाट हटाउन राप्रपाको माग
काठमाडौँ । राष्ट्रिय प्रजातन्त्र पार्टीले सांसद ज्ञानेन्द्र शाहीमाथि भएको मानहानीसम्बन्धी अभिव्यक्ति संसदको रेकर्डबाट हटाउन माग गरेको छ ।
सोमबारको प्रतनिधिसभा बैठकमा राप्रपाका सांसद दीपक सिंहले पार्टीका सांसद शाहीमाथि भएको मानहानीसम्बन्धी अभिव्यक्ति संसदको रेकर्डबाट हटाउन माग गरेका हुन् । आइतबारको प्रतिनिधिसभा बैठकमा एमाले सांसद रघुजी पन्तले सांसद शाहीलाई आउ, मिस्टर भनेका थिए ।
सांसद सिंहले पन्तको अभिव्यक्तिप्रति आपत्ति जनाएका हुन् । सांसद सिंहले सांसद शाही चुनाव जितेर आएकाले होच्याउन नपाइने बताए ।
