डीभी चिठ्ठा प्रणाली पनि रोक्न ट्रम्पलाई बालेनको आग्रह
काठमाडौं । काठमाडौं महानगरपालिकाका मेयर बालेन साहले अमेरिकी राष्ट्रपति डोनाल्ड ट्रम्पलाई धन्यवाद दिएका छन् ।
सामाजिक संजालमार्फत मेयर साहले नेपाल अमेरिकाभन्दा राम्रो रहेको महसुस गराएको भन्दै धन्यवाद दिएका हुन् ।
उनले भनेका छन्, ‘तपाईंले हामीलाई हाम्रो देश तपाईंको भन्दा राम्रो रहेको महसुस गराउनुभएकोमा धन्यवाद छ ।’
उनले नेपाली जनशक्ति देश छाडेर विदेश पलायन भएकाले नेपाल गरिब भएको पनि टिप्पणी गरेका छन् । तर, अमेरिकीहरू अल्छी रहेको र उनीहरूले आफैँले आफ्नो देश बनाउन नसक्ने पनि टिप्पणी गरेका छन् । मेयर साहले डीभी चिठ्ठा प्रणाली रोक्न पनि आग्रह गरेका छन् ।
