कांग्रेस सभापति देउवा भारत भ्रमणमा जाँदै
काठमाडौं । नेपाली कांग्रेसका सभापति शेरबहादुर देउवा भारत भ्रमणमा जाने भएका छन् । सभापति देउवा भारतको प्रयागराजमा चलिरहेको महाकुम्भको अवसर पारेर बिहीबार भारत भ्रमण जान लागेका हुन् ।
इन्डिया फाउन्डेसनको आयोजनामा हुन लागेको ‘कुम्भ ग्लोबल समिट अन डेभलपमेन्ट एन्ड सस्टेनेबेलिटी’ कार्यक्रमको वक्ताको रूपमा देउवा भारत जान लागेका हुन् ।
शुक्रबार र शनिबार हुने कार्यक्रममा देउवाले समिटलाई सम्बोधन गर्नेछन् । कार्यक्रममा भुटानका विदेशमन्त्री, गुयानकी फस्ट लेडी, मलेसियाका मन्त्री, मौरिसका मन्त्रीलगायतका विदेशी पाहुना पनि सहभागी हुनेछन् ।
