हिउँदे अधिवेशनको पहिलो बैठकमै रास्वपाको अवरोध
काठमाडौँ । संसदको हिउँदे अधिवेशन शुक्रबारदेखि सुरु भएको छ । शुक्रबार दिउँसो एक बजेदेखि प्रतिनिधिसभा बैठक सुरु हुनासाथ राष्ट्रिय स्वतन्त्र पार्टीका सांसद आफ्नो आसनबाट उठेर विरोध गरेका छन् ।
सभामुख घिमिरेले राष्ट्रपति कार्यालयबाट आएको पत्र पढ्न सुरु गर्न लागेपछि रास्पवपाका सांसदहरुले उठेर विरोध जनाएका हुन् ।
सभामुख देवराज घिमिरेले रास्वपाका सांसदलाई आफ्नो आसनमा बसेर बैठक सञ्चालन गर्ने वातावरण मिलाउन आग्रह गरिरहे पनि रास्वपाका सांसदहरुले उठेर विरोध गरिरहेका छन् ।
उनले संसद बैठकको कार्यसूचीमै दलीय आधारमा बोल्न पाउने समय मिलाइएको भन्दै सोही क्रममा आफ्ना धारणा राख्न रास्वपाका सांसदलाई आग्रह गरेका छन् । तर रास्वपाका सांसदहरुले मानिरहेका छैनन् ।
