समाजवादी मोर्चाले चैत्र २४ गते काठमाडौंमा विरोधसभा गर्ने
काठमाडौं । समाजवादी मोर्चाले देशमा देखिएका वर्तमान समस्याहरुको विरुद्धमा चैत्र २४ गते जनप्रदर्शनसहितको सभा गर्ने भएको छ ।
बुधबार बसेको समाजवादी मोर्चाको बैठकले चैत २४ मा काठमाडौंमा जनप्रदर्शनसहित सभा गर्ने निर्णय गरेको नेकपाका प्रवक्ता खड्गबहादुर विश्वकर्माले जानकारी दिए । उनले चैत्र २४ ऐतिहासिक दिन भएकाले काठमाडौंमा भव्य र शान्दार रुपमा सभा गर्ने बताए ।
यस्तै, चैत्रको पहिलो साता १ देखि ५ गतेभित्र मधेसमा एउटा जनसभा गर्ने पनि निर्णय गरेको उनले जानकारी दिए । उनले समाजवादी मोर्चाको विचार नीति र उद्देश्यलाई आम जनतासम्म पुर्याउन समाजवादी मोर्चा प्रकाशन गर्ने निर्णय पनि बैठकले गरेको छ ।
