सरकारले संसदको पहिलो बैठकमै अध्यादेश पेस गर्ने
काठमाडौं । सरकारले ल्याएका अध्यादेश संसद अधिवेशन सुरु भएको पहिलो दिन नै संसदमा पेस गरिने भएको छ ।
सोमबार बसेको सभामुख र पाँच दलका प्रमुख सचेतकको छलफलमा अध्यादेशहरू माघ १८ मा पेस गरेर २२ माघमा संसद्मा निर्णयार्थ प्रस्तुत गर्ने सहमति भएको एमालेका मुख्य सचेतक महेश बर्ताैलाले जानकारी दिएका छन् ।
यस्तै, मंगलबार बिहान ११ बजे कार्यव्यवस्था बस्ने तय भएको छ । त्यस्तै संसद सचिवालयले हिउँदे अधिवेशनका लागि क्यालेन्डर तयार पारेको छ ।
माघ २३ र २४ गते सदन बस्ने तय भएको छ । यसैगरी, माघ २५, २६ र २७ गते समितिको बैठक राखिने छ । माघ २८, २९ र ३० गते पनि सदन बस्ने तय भएको छ ।
