सरकार आफ्नो उद्देश्यबाट च्यूत भएको राप्रपाको निष्कर्ष
काठमाडौं । राष्ट्रिय प्रजातन्त्र पार्टीले यसअघि सरकारलाई बुझाएको ४० बुँदे माग पूरा नभएको भन्दै दुईमहिने आन्दोलनका कार्यक्रम घोषणा गरेको छ ।
आइतबार सम्पन्न राप्रपा केन्द्रीय समिति बैठकले विभिन्न १५ वटा निर्णय गर्दै आन्दोलन घोषणा गरेको हो । राप्रपाले जनजीविकाका विषय र ४० बुँदे माग पूरा गर्न दबाब दिने भन्दै फागुन र चैतमा आन्दोलन गर्ने घोषणा गरेको हो ।
त्यस्तै बैठकले विचार मिल्नेहरूसँग पार्टीले मोर्चाबन्दी गर्नेसमेत निर्णय गरेको छ । राप्रपाले सहकारीपीडितको रकम फिर्ताका लागि सरकारको ध्यानाकर्षण पनि गराउने निर्णय गरेको छ ।
