कोशीका पूर्वमुख्यमन्त्री उद्धव थापामाथि आक्रमण गर्नेलाई कडा कारबाही गर्न कांग्रेसको माग
काठमाडौं । नेपाली कांग्रेसले कोशी प्रदेशका पूर्वमुख्यमन्त्री उद्धव थापामाथि आक्रमण गर्नेलाई कारबाही गर्न माग गरेको छ ।
मुख्यसचिव कृष्णप्रसाद पौडेलले आइतबार विज्ञप्ति जारी गरी पूर्वमुख्यमन्त्रीसमेत रहेका कोशीका संसदीय दल नेता थापामाथि झापामा शनिबार भएको आक्रमणको निन्दा गरेका हुन् ।
कांग्रेसले घटनाको यथार्थ छानबिन गरेर अराजक र आपराधिक गतिविधिमा संलग्न व्यक्तिहरूलाई कारबाहीका लागि सरकारसँग गरेको हो । झापाको कन्काई नगरपालिकाको सुरुङ्गानजिक थापामाथि आक्रमण भएको थियो ।
उनको निधारमा चोट लागेको छ । कनकाईस्थित दोमुखा क्षेत्रमा नेपाल प्रेस युनियनको कार्यक्रममा सहभागी भएर फकिँदै गरेका थापामाथि जामुनबारी चोकमा आक्रमण भएको हो ।
थापामाथि मुक्का प्रहार गर्ने नेपाल विद्यूत प्राधिकरणका कर्मचारी भक्तबहादुर कटवाल र पृथ्वी श्रेष्ठलाई प्रहरीले पक्राउ गरेको छ । पूर्वमुख्यमन्त्री थापाले आफू चढेको बा१झ ६५३ नम्बरको गाडीलाई अवरोध गरी उनीहरुले आक्रमण गरेका थिए ।
