प्रचण्डलाई शंकर पोखरेलको प्रश्नः तपाई प्रधानमन्त्री हुँदा हिउँदे अधिवेशन माघको अन्तिम सातामा बोलाएको विर्सनु भयो ?
काठमाडौं । नेकपा एमालेका महासचिव शंकर पोखरेलले माओवादी केन्द्रका अध्यक्ष प्रचण्डलाई हिउँदे अधिवेशन नबोलाएकोमा चिन्ता नगर्न आग्रह गरेका छन् ।
शनिबार राति सामाजिक संजालमार्फत पोखरेलले आफू प्रधानमन्त्री हुँदा माघको अन्तिम साता अधिवेशन बोलाएको कुरा नबिर्सन आग्रह गरेका हुन् ।
माओवादीसहित सात विपक्षी दलले शुक्रबार तत्काल हिउँदे अधिवेशन नबोलाए विशेष महाधिवेशन बोलाउन माग गर्ने बताएपछि पोखरेलको यस्तो भनाई आएको हो ।
पोखरेलले भनेका छन्, ‘प्रचण्डजी प्रधानमन्त्री हुँदा हिउँदे अधिवेशन माघको अन्तिम सातामा बोलाएको विर्सनु भएछ कि क्या हो । उहाँलाई अहिले माघको पहिलो हप्तामै हिउदे अधिवेशन नडाकेकोमा ठूलो चिन्ता भएछ । अनि उहाँले प्रतिपक्षमा रहेका दलहरुको बैठक डाकेर विशेष अधिवेशन वोलाउने घुर्की समेत लगाउनु भएछ । विशेष अधिवेशनले हिउँदे अधिवेशनको आवश्यकता पूरा गर्दैन भन्ने उहाँलाई हेक्का त होला नै । तर पनि विपक्षी दलको नेता भएसी घुर्की त लगाउनै पर्यो क्यारे ! होइन त ?’
