विपीन जोशीको रिहाइका लागि कतारका विदेश राज्यमन्त्रीसँग सहयोगका लागि परराष्ट्रमन्त्रीको आग्रह
काठमाडौं । परराष्ट्रमन्त्री डा आरजु राणाले कतारका विदेश राज्यमन्त्री महम्मद बिन अब्दुलअजीज अल खुलाइफीसँग टेलिफोनमा कुराकानी गरेकी छन् ।
मंगलबार बिहान परराष्ट्रमन्त्री राणाले कतारका विदेश राज्यमन्त्रीसँग टेलिफोनमा कुराकानी गरेकी हुन् । कुराकानीका क्रममा परराष्ट्रमन्त्री राणाले हमासको नियन्त्रणमा रहेका विपीन जोशीको रिहाईका लागि पलह गर्न आग्रह गरेको परराष्ट्र मन्त्रालयले जनाएको छ ।
जवाफमा कतारका राज्यमन्त्रीले वार्तामा विपीनको रिहाईको कुरा राख्ने आश्वासन दिएका थिए । इजरायल र हमासबीच युद्धविरामका लागि वार्ता भइरहेको छ ।
वार्ताका क्रममा हमासको नियन्त्रणमा रहेका बन्दी रिहा गर्नेको सूचीसमेत सार्वजनिक भइसकेको छ । तर त्यो सूचीमा विपीनको नाम समावेश छैन ।
