रवि लामिछाने प्रहरी हिरासतमै
काठमाडौं । स्वर्णलक्ष्मी सहकारी ठगी प्रकरणमा रास्वपा सभापति रवि लामिछानेविरुद्धको थुनछेक बहस सोमबार पनि नसकिएपछि प्रहरी हिरासतमा पठाइएको छ ।
जिल्ला अदालत काठमाडौंमा न्यायाधीश माधवप्रसाद अधिकारीको इजलासमा आइतबारदेखि लामिछानेविरुद्धको मुद्दामा थुनछेक बहस भइरहेको छ ।
सोमबार सरकारी वकिलको बहस सकिएको छ । अझै लामिछानेका वकिल, जाहेरवालाका वकिल र सरकारी वकिलको बहस हुन बाँकी छ । सोमबार पनि बहस नसकिएपछि न्यायाधीश अधिकारीको इजलासले लामिछानेलाई हिरासतमै पठाउने आदेश गरेको छ ।
गत बिहीबार कास्कीको सूर्यदर्शन सहकारी ठगीमा जिल्ला अदालत कास्कीले ६५ लाख रुपैयाँ धरौटीमा रिहा गरेको थियो ।
त्यसपछि शनिबारसम्म थुनामुक्त रहेका लामिछाने फेरि आइतबारदेखि प्रहरी हिरासतमा पुगेका छन् । मंगलबार सार्वजनिक बिदा भएकाले बुधबार मात्र अदालतमा थुनछेक बहस हुनेछ ।
