केही ऐन संशोधन, भूमिसम्बन्धी र एनआएनएसम्बन्धी अध्यादेश जारी गर्ने मन्त्रिपरिषद बैठकको निर्णय
काठमाडौं । सरकारले तीन वटा अध्यादेश ल्याउने निर्णय गरेको छ । शुक्रबार राति प्रधानमन्त्री निवास बालुवाटारमा बसेको मन्त्रिपरिषद बैठकले केही ऐन संशोधन गर्ने अध्यादेश, भूमिसम्बन्धी र एनआएनएसम्बन्धी अध्यादेश ल्याउने निर्णय गरेको हो ।
केही ऐन संशोधन गर्ने अध्यादेश सार्वजनिक सेवा प्रवाहमा सहजताका लागि ल्याउन लागेको सरकारले बताएको छ । एनआरएनएसम्बन्धी अध्यादेशमा गैरआवासीय नेपाली नागरिकता प्राप्त व्यक्तिले १० वर्षसम्म नेपाल बस्दा भिसा निःशुल्कको व्यवस्था गरिनेछ ।
अध्यादेश ल्याउनुअघि शुक्रबार दिउँसो प्रधानमन्त्री केपी शर्मा ओलीले राष्ट्रपति रामचन्द्र पौडेलसँग कानुनमन्त्री र मुख्यसचिव सँगै लगेर भेट गरेका थिए ।
