मधेसकेन्द्रित दलसँग सहकार्यको पहल गर्न जनमत पार्टीद्वारा दुई सदस्यीय समिति गठन
काठमाडौं । जनमत पार्टीले मधेसकेन्द्रित दलहरूबीच मोर्चाबन्दीका लागि दुई सदस्यीय समिति गठन गरेको छ । जनमत पार्टीले केन्द्रीय उपाध्यक्ष अब्दुल खान र प्रवक्ता शरदसिंह यादव सम्मिलित समिति गठन गरेको हो ।
आइतबार बसेको पार्टीको केन्द्रीय सचिवालय समितिको निर्णयअनुसार सदस्यहरू तोकिएको हो । संविधान संशोधनका विषयलाई लिएर धारणा समान बनाउन भन्दै मधेसकेन्द्रित दलहरूले मोर्चाबन्दी बनाउन लागेका छन् । लोसपाले पनि आइतबार समिति गठन गरेको थियो ।
