प्रतिनिधिसभाको सचिवमा राई नियुक्त
काठमाडौं । प्रतिनिधिसभाको सचिवमा हर्कराज राई नियुक्त भएका छन् । मंगलबार राष्ट्रपति रामचन्द्र पौडेलले राईलाई सचिव नियुक्त गरेका हुन् ।
प्रतिनिधिसभाका सचिव सुरेश अधिकारीले गत मंसिर ९ गते राजीनामा दिएपछि यो पद रिक्त थियो । राईलाई सचिव नियुक्तिका लागि सभामुख देवराज घिमिरेले केही दिनअघि राष्ट्रपतिलाई सिफारिस गरेका थिए ।
झापाको शिवसताक्षी– २ निवासी राई सार्वजनिक प्रशासनमा एमफिल, राजनीति शास्त्र तथा ग्रामीण विकासमा स्नातकोत्तर र अंग्रेजी साहित्य तथा पत्रकारितामा स्नातक गरेका छन् ।
