भूकम्पले चेतावनी दिइरहेको छ, सरकारको तयारी नि ?

सुमना श्रेष्ठ ।

पश्चिम नेपालमा १३ दिनमा सात वटा भूकम्प गएको छ । पश्चिम नेपालमा ठूलो भूकम्प नगएको ५०० वर्षभन्दा बढी भयो, यसैले पश्चिम नेपाल केन्द्रविन्दु बनाएर निकै विध्वंशकारी भूकम्प जान सक्ने आंकलन विज्ञहरूको छ । धेरै ठूलो पनि हैन, पोहोर सालको जाजरकोटको भूकम्प जत्तिको भूकम्प फेरी जाने हो भने पनि हाम्रो तयारी कस्तो छ ? भूकम्प आएको खण्डमा आवश्यक राहत सामग्रीको अवस्था के छ ? कति जना जनशक्ति राहतमा खटाउन सकिन्छ ? भूकम्प गएमा कसरी सुरक्षित बस्ने, कुन ठाउँमा जम्मा हुने– भन्ने जनमानसमा कति अभ्यासहरू दिएका छौँ ? यता केन्द्रको राष्ट्रिय आपतकालीन कार्यसंचालन केन्द्र र जिल्ला प्रशासन कार्यालयको तथ्याङ्कमा तालमेल कतिको मिलेको छ ?

यति चोटी भूकम्प गइसक्यो । हामीले कहिले सिक्ने ? यसबारे बजेटमा समेत भनेकी थिएँ । सुन्दा तपाईंहरूलाई अचम्म लाग्न सक्छ तर कार्यान्वयनमा सोच्नु र गर्नुपर्ने धेरै नै आधारभूत कुरा नै छन् । आफ्नो आवाज उठाउनुहोस् । विपद् जोखिम न्यूनीकरण र तयारीका लागि ठोस कदम र योजनाको माग गर्नुहोस् ।