भीम रावल, विन्दा पाण्डे र उषाकिरणलाई कारबाही गरेको एमालेले पार्टीमा भित्रायो ‘मिसेज हेरिटेज इन्टरनेसनल’
काठमाडौं । ‘मिसेज हेरिटेज इन्टरनेसनल’की विजेता बिभा बस्नेत नेकपा एमालेमा प्रवेश गरेकी छन् । आइतबार पार्टी कार्यालयमा आयोजित कार्यक्रममा प्रधानमन्त्री केपी शर्मा ओलीले बस्नेतलाई पार्टी प्रवेश गराएका हुन् ।
गत असोजमा आयोजित ‘मिस एन्ड मिसेस हेरिटेज इन्टरनेशनल नेपाल २०२४’मा मिसेसतर्फको उपाधि बस्नेतले जितेकी थिइन् । बस्नेतले थाइल्यान्डमा भएको ‘मिसेज हेरिटेज इन्टरनेशनल २०२४’मा नेपालको प्रतिनिधित्व गरेकी थिइन् ।
कार्यक्रममा नेपाल जेसिजका निवर्तमान राष्ट्रिय अध्यक्ष रविन पोखरेललगायत युवाहरु एमालेमा प्रवेश गरेका थिए । केही दिनअघि एमालेले व्यवसायी मीनबहादुर गुरुङसँग पार्टी कार्यालय बनाउन जग्गा दान लिएकोमा विरोध गर्ने नेता डा. रावललाई पार्टीबाट निस्कासन गरेको थियो भने विन्दा पाण्डे र उषाकिरण तिम्सिनालाई ६ महिनाका लागि निलम्बन गरेको थियो ।
