दक्षिण कोरियामा धावनमार्गमै विमान दुर्घटना
सियोल । दक्षिण कोरियामा धावनमार्गमै विमान दुर्घटना भएको छ । १८१ जना यात्रु सवार विमान मुआन अन्तर्राष्ट्रिय विमानस्थलको पर्खालमा ठोक्किएर दुर्घटना भएको हो ।
दुर्घटनामा कम्तिमा २८ जनाको मृत्यु भएको छ । विमानमा १७५ यात्रु र ६ जना चालक दलका सदस्य रहेका थिए । जेजु एयरको उक्त विमान थाइल्याण्डबाट फर्किएको थियो र अवतरण गर्ने क्रममा दुर्घटना भएको बताइएको छ ।
