भारतका पूर्वप्रधानमन्त्री मनमोहन सिंहको निधन
काठमाडौं । भारतका पूर्वप्रधानमन्त्री मनमोहन सिंहको ९२ वर्षको उमेरमा निधन भएको छ । दिल्लीको एम्स अस्पतालमा उपचारका क्रममा सिंहको बिहीबार साँझ निधन भएको भारतीय संचारमाध्यमले जनाएका छन् ।
उनलाई बिहीबार साँझै अस्पताल भर्ना गरिएको थियो । उनलाई राति ९ बजेर ५१ मिनेटमा चिकित्सकले मृत घोषणा गरेका थिए । सिंह सन् १९९१ मा अर्थमन्त्री बनेका थिए।
उनी भारतको आर्थिक सुधारका रचयिता मानिन्छन्। आफ्नो कार्यकालमा उनले भारतको अर्थतन्त्रलाई विश्वव्यापी प्रतिस्पर्धाका लागि खुला गरेका थिए । सन् २००४ मा प्रधानमन्त्री बनेका सिंह दुई कार्यकाल प्रधानमन्त्री पदमा रहे ।
