करारमा कर्मचारी नियुक्ति गर्न गण्डकी सरकारद्वारा निजामती सेवा ऐन संशोधनसम्बन्धी अध्यादेश जारी
गण्डकी । गण्डकी प्रदेश सरकारले करारमा कर्मचारी नियुक्ति गर्न अध्यादेश ल्याएको छ । मंगलबार बसेको प्रदेश मन्त्रिपरिषद् बैठकबाट प्रदेश निजामती सेवा ऐन संशोधनसम्बन्धी अध्यादेश जारी गरेको हो ।
गण्डकी सरकारले यअसघि आफैंले जारी गरेको प्रदेश निजामती सेवा ऐनविपरीत ज्यालादारी वा करारमा कर्मचारी नियुक्तिको प्रक्रियाअगाडि बढाउन अध्यादेश ल्याएको हो । दुई वर्षअघि ल्याइएको प्रदेश निजामती सेवा ऐन अस्थायी कर्मचारी नियुक्तिको बाटो पूर्णतः बन्द गरेको थियो ।
अध्यादेश ल्याउने विषयमा प्रदेश सरकारले प्रदेश लोकसेवा आयोगसँग परामर्श गरेको थियो। तर, आयोगले प्रदेश निजामती सेवा ऐन र संघीय ऐनले करार, ज्यालादारी, अस्थायी कर्मचारी राख्न स्पष्ट रोक लगाएको बताउँदै सहमति दिएको थिएन । अध्यादेश जारी भएसँगै प्रदेश सरकारलाई करारमा कर्मचारी नियुक्तिको बाटो खोलेको छ।
