रवि लामिछानेको सांसद पदबाट निलम्बन नगर्न सभामुखलाई रास्वपाको आग्रह
काठमाडौँ । राष्ट्रिय स्वतन्त्र पार्टीले पार्टी सभापति रवि लामिछानेलाई प्रतिनिधिसभा सदस्यबाट निलम्बन नगर्न सभामुख देवराज घिमिरेको ध्यानाकर्षण गराएको छ ।
सोमबार रास्वपा सांसद सन्तोष परियार, सोभिता गौतम र गणेश पराजुली लगायतले सभामुखलाई भेटेर सभापति लामिछानेलाई पदबाट निलम्बन नगर्न ध्यानाकर्षण गराएका हुन् ।
सहकारी ठगीसहित तीन अभियोग लगाएर आइतबार रविविरुद्ध मुद्दा दायर भएपछि कास्की प्रहरीले यससम्बन्धी जानकारी संसद् सचिवालयलाई गराइसकेको छ भने निलम्बनबारे सभामुख पनि परामर्शमा छन् ।
