असल नियत र नैतिकता नभए संविधान फेर्दैमा समस्या हट्दैनः पूर्वप्रधानन्यायाधीश कार्की
काठमाडौं । पूर्वप्रधानन्यायाधीश सुशीला कार्कीले जनताको लामो सङ्घर्षबाट बनेको वर्तमान संविधान जारी भएको भरखर नौ वर्ष पुगेकाले राम्रो प्रयोग र उपयोग नभई संशोधनको औचित्यको पुष्ट्याई गर्न कठिन हुने बताएकी छन् ।
शनिबार काठमाडौंमा आयोजित एक कार्यक्रममा कार्कीले असल नियत र नैतिकता नभए संविधान फेर्दैमा समस्या नहट्ने बताएकी हुन् ।
उनले भनिन्, ‘भाषा मिलेको नभए पनि संविधानमा राख्न पर्ने विषयवस्तु पुुुगेको छ । संविधान आफैँमा पूर्ण कहिल्यै हुन्न । कुनै पनि राजनीतिज्ञलाई असल काम गर्न संविधानले रोक्दैन, असल नियत र नैतिकता भएन भने संविधान फेर्दैमा समस्या हट्दैन ।’
उनले शासकलाई राम्रो काम गर्न संविधान बाधक नभएको बताइन् ।
