राजनीतिक अस्थिरताका कारण अर्थतन्त्रमा अड्चन आयो, सरकार समाधान खोज्दैछः सञ्चारमन्त्री गुरुङ

काठमाडौँ । सञ्चार तथा सूचना प्रविधिमन्त्री पृथ्वीसुब्बा गुरुङले राजनीतिक अस्थिरताका कारण नेपालको अर्थतन्त्रमा समस्या उत्पन्न भएको बताएका छन् ।

शनिबार नेपाल आर्थिक पत्रकार संघ नाफिजको १५ औँ वार्षिक साधारण सभामा सञ्चारमन्त्री गुरुङले गुरुङले राजनीतिक अस्थिरताका कारण अर्थतन्त्रमा अड्चन आएको र दुई प्रमुख दलको सरकारले समस्याहरूको समाधान खोज्न सुरु गरेको बताए ।

उनले अर्थतन्त्रमा राजस्व इच्छाएको अनुसार उठ्न नसकेको बताए । उनले भने, ‘हामीले अहिले गरेको प्रयत्न भनेको सरकार रेस्पोन्सिभ हुनपर्यो । दूध किसानहरूको वर्षैँदेखिको भुक्तानीको समस्या छ, त्यसमा सरकार रेस्पोन्सिभ हुनपर्यो भनेर अघिल्लो पटक हामीले ६० करोड दशैँअघि सरकार रेसपोन्सिभ छ है भनेर छुट्टयायौँ । त्यो पर्याप्त थिएन । उखु किसानहरूको जहिलेको समस्या छ । सबै काम सरकारले गर्दैछ ।’

उनले नीतिगत स्थिरता नहुनु नै अर्थतन्त्रको समस्याको मुख्य कारण भएको र सरकार जनताप्रति उत्तरदायी हुनुपर्नेमा जोड दिए ।