रविलाई लामिछानेलाई म्याद थपका लागि कास्की अदालतमा उपस्थित गराइयो
पोखरा । सहकारीको रकम अपचलनको अभियोगमा पक्राउ परेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई आज जिल्ला अदालत कास्कीमा उपस्थित गराइएको छ ।
शुक्रवार म्याद सकिए पनि शनिबार सार्वजनिक बिदा भएकाले आज रविलाई अदालतमा उपस्थित गराइएको हो । उनीविरुद्ध कास्की प्रहरीले सहकारी ठगी, सम्पत्ति शुद्धीकरण र सङ्गठित अपराध मुद्दामा अनुसन्धान गरिरहेको छ । उनी कात्तिक २ गते काठमाडौंबाट पक्राउ परेका थिए ।
