प्रधानमन्त्री ओलीसँग अमेरिकी खर्बपति एलन मस्कको भर्चुअल संवाद
काठमाडौँ । प्रधानमन्त्री केपी शर्मा ओली र अमेरिकाका खर्बपति व्यवसायी एलन मस्कबीच भर्चुअल संवाद भएको छ ।
शुक्रबार साँझ प्रधानमन्त्री ओली र स्पेश एक्स कम्पनीका मालिक मस्कबीच भर्चुअल संवाद भएको प्रधानमन्त्रीको निजी सचिवालयले जनाएको छ ।
त्यसक्रममा मस्कले आफ्नो स्याटेलाइटमा आधारित इन्टरनेट सेवा स्टारलिंकका बारेमा जानकारी गराएको बताइएको छ । नेपालमा पनि स्टारलिंक स्याटेलाइट इन्टरनेट सेवा विस्तार गर्न चाहिरहेको छ।
अमेरिकाका नवनिर्वाचित राष्ट्रपति डोनाल्ड ट्रम्पले मस्कलाई ‘डिपार्टमेन्ट अफ गभर्मेन्ट इफिसिन्सी’ (डीओजीई) को प्रमुख पदमा नियुक्त गरेका छन् ।
