राष्ट्रिय स्वतन्त्र पार्टीद्वारा दोस्रो चरणको आन्दोलन घोषणा
काठमाडौं । राष्ट्रिय स्वतन्त्र पार्टीले दोस्रो चरणको आन्दोलन घोषणा गरेको छ । आइतबार पार्टी केन्द्रीय कार्यालयमा पत्रकार सम्मेलन गरी रास्वपाले आन्दोलन घोषणा गरेको हो ।
पार्टी सभापति रवि लामिछानेविरुद्ध राजनीतिक प्रतिशोध साँधेर पक्राउ गरिएको भन्दै रास्वपाले दोस्रो चरणको आन्दोलन घोषणा गरेको पार्टीका कार्यवाहक प्रवक्ता मनीष झाले जानकारी दिएका छन् ।
झाले मंसिर ८ गतेदेखि दोस्रो चरणको आन्दोलन हुने जानकारी दिए । रास्वपाको दोस्रो चरणको आन्दोलनमा सहकारीपीडित र मिटरब्याजपीडितलाई न्याय दिनुपर्ने विषयसमेत समेटिएको छ ।
त्यस्तै रास्वपाले उच्च ओहदामा रहेका सबैको सम्पत्ति छानबिन गरी सार्वजनिक गर्नुपर्ने मागसमेत गरेको छ । पार्टी सभापति लामिछाने पक्राको विरोधमा रास्वपाले दिनहुँ विरोध प्रदर्शन गर्दै आएको छ ।
उसले लामिछानेलाई हिरासत बाहिरै राखेर अनुसन्धान गर्नुपर्ने माग गर्दै आएको छ । प्रहरीले भने लामिछानेविरुद्ध सहकारी ठगीकासाथै सम्पत्ति शुद्धीकरण र संगठित अपराधमासमेत अनुसन्धान गरिरहेको छ ।
