मुकुल ढकाल पार्टीको साधारण सदस्यसमेत नरहने गरी रास्वपाबाट निस्कासित

काठमाडौ. । राष्ट्रिय स्वतन्त्र पार्टीले डा. मुकुल ढकाललाई साधारण सदस्यसमेत नरहने गरी पार्टीबाट निष्कासन गरेको छ । मंगलबार बसेको केन्द्रीय समितिको बैठकले ढकाललाई पार्टीको साधारण सदस्यसमेत नरहने गरी निष्कासन गर्ने निर्णय गरेको हो ।

केन्द्रीय समिति बैठकले अनुशासन आयोगको सिफारिस अनुसार, उनलाई पार्टीबाट बर्खास्त गर्ने निर्णय गरेको हो । पार्टीविरुद्ध लागेको भन्दै निलम्बनमा परेका ढकाललाई रास्वपाले दुई पटक स्पष्टीकरण सोधेको थियो । तर ढकालले स्पष्टीकरण जवाफ दिँदा पार्टी सभापतिमाथि गम्भीर प्रश्न उठाउँदै आएका थिए ।