अब तलब खाएर दिन कटाउने मात्र नभई जिम्मेवारी लिएर परिणाम दिनुपर्छः प्रधानमन्त्री ओली

काठमाडौं । प्रधानमन्त्री केपी शर्मा ओलीले यसपटक प्रधानमन्त्री, मन्त्री, मुख्यमन्त्रीजस्ता पदसँग जोडेर कार्यक्रमहरू नबनाउने बताएका छन् ।

शुक्रबार सामाजिक संजालमार्फत प्रधानमन्त्री ओलीले यसपाली प्रधानमन्त्री/मन्त्री/मुख्यमन्त्रीजस्ता पदसँग जोडेर कार्यक्रमहरू नबन्ने बताएका हुन् ।

उनले भनेका छन्, ‘हामीले हिजो गत आर्थिक वर्षमा सञ्चालित कार्यक्रमको समीक्षा र चालु आर्थिक वर्षमा सञ्चालन हुने योजना र पूर्वतयारीबारे छलफल गर्यौं । यसपाली प्रधानमन्त्री/मन्त्री/मुख्यमन्त्रीजस्ता पदसँग जोडेर कार्यक्रमहरु बन्ने छैनन् । काम गर्दै जाँदा हामीमा केही अनुभव थपिएको छ – अब कानुन मात्र दिएर हुँदैन, काम हुनु पर्छ।’

त्यस्तै प्रधानमन्त्रीले तलब खाएर दिन कटाउन नभई जिम्मेवारी लिएर परिणाम दिनुपर्ने बताएका छन् ।

उनले भनेका छन्, ‘एक ठाउँ मात्र सुध्रिएर पुग्दैन, सबै ठाउँ सुध्रिनु आवश्यक छ। एउटा ठाउँ वा एउटा पक्ष मात्र बिग्रेर देश बिग्रने होइन, बिग्रेको सबै सुधार हुनु पर्छ । हामी तलब खाएर दिन कटाउन होइन, जिम्मेवारी लिएर परिणाममा पुर्याउन आएका हौं भन्ने बुझौं।’